إذا وقتك قسى مره تجرعك الطعون اطعون

[عذب القوافي]

إذا وقتك قسى مره تجرعك الطعون اطعون=أنا وقتي قسى دايم طعونه في شراييني
وإذا همك كما الجمرة تولع خافق(ن)مفتون=أنا همي جحيم(ن)طال عايش يسكن اسنيني
وإذاحزنك كما ثوب(ن) يعانق جسمك المحزون=أنا حزني كما جلدي ملاصق مايخليني
وإذابعض البشر خانك ولايعرف معاك يصون=أنا ظلي وهو ظلي تنكر موب يعنيني
وإذا تبكي عيونك دم في تاللي ليلك المسجون=أنا اضحك من مصايب صار عندي الوضع روتيني
تحمد ربك واصبر ولاتقنط تراك اتهون=ودوم الحال هذا محال بتفرج لو بعد حيني
وزرع في حنايا الروح نور ايمانك المكنون=تجني مابغيت اعرف/ ربك باللي الزيني
يشوف العبد وش يعمل ويجزي مابغاه يكون =على حسب الثقة يعطيك زين(ن)او بعد شيني

عندما تخرج القصيده من القلب

تكون مثل هذه الجزله

صح لسانك الشاعرالجزل

محمدالحمراني

نص يعانق نجوم السماء

لله درك يالغالي

تقديري

:::::إبن خزيّم:::::