شجاع عمر الأكلبي
04-09-2008, 01:18 AM
هذه المساجلات جرت بيني وبين أخي العزيز شايع العيافي 0
صوتي محدّثكم شجاع الأكلبي
الهجر موتك يالهواوي والأبعاد=والصبر قلبك يابو فارس علاجه
يازينها صدفه على غير ميعـاد=لاشفت من تهواه بالـود ناجـه
وقد لك سنين مانفعك التوجـاد=اقصاك ودٍ مع وليفك خراجـه
الصدى من شايع العيافي
يالله يامرسي على الأرض الاوتاد=انك تيسر ضيقتي بانفراجه
غره شهر شعبان من بين الأفراد=رتبه لوا يحمل مقصه وتاجه
سجل قسيمه باسم شاعر وقصاد=وقام الخبر فالأرض ياخذ رواجه
لقحت ليال الصيف ببني واولاد=وايامه من الظلم فيها عجاجه
لاعاد ميقافي على الضلع لاعاد=يوم الجمل دك المسيله مداجه
يابو عمر لحقت غياب الأجواد=اللي يسوق البعدعنهم زراجه
ماخفت من تجريح فلذات الأكباد=مالك ورى جرح الاجاويد حاجه
حذفتني حذفٍ على غير معتاد=ادخل على الله وش لزوم العواجه
خليتني مابين شامت وحساد=من ضحك سنه ماتعقد حجاجه
وانا لا جات الصدق مانيب جحاد =كم عارضٍ كثر علي اللجاجه
الا اني اسبر كوكبٍ الجم هداج=يطفح قراحه قبل يطفح هماجه
عيده على قلبي ماهو عيد ميلاد =عيد العيون اللي طمعها مواجه
وهذا صدى آخر مني محدّثكم شجاع الأكلبي
هبّت على قلبي ذعاذيع الأنواد=ذعذاع رد القاف للقلب هاجه
من يم شاعر للبواكير حصّاد=ينظم عقود الماس في صفح عاجه
عساك يامشهور في خير وأسعاد=أخذ الخبر زبدة بليا لجاجه
الحر لارفّت جناحيه هـم صـاد=يصيد ظبي ٍ ماطمـع بالدجاجـه
وأنته عرجت بعالي الضلع مرتاد=وفرعتبه والحض فيـه إنعواجـه
وحولت ماخلفك من الناس هبّـاد=ونور السعد خلفك يشع إنبلاجـه
ورقيت في ضلع ٍ طويل ٍ ومنقاد=يزبن به الخايف ويلقى محاجـه
واللي له طماعه مع النـاس ورّاد=والضاميه تصبر على ماتواجـه
وأخاف لونك على اللعب معتـاد=وهذي نقرها طير وهذي خماجه
دربي مع خلـي جديـدٍ ومنقـاد=أما علـى رجلـيّ ولا حداجـه
ولاجات مع قلبي على كيف ماراد=وأخلصت له حتى بلغني زواجـه
والكل منا من هوا صاحبـه فـاد=جرح ٍ عميـق مالقينـا علاجـه
فيالله ياللي لك ركـوع ٍ وسجـاد=أجعل تواليهـا فـرج وأنبهاجـه
صوتي محدّثكم شجاع الأكلبي
الهجر موتك يالهواوي والأبعاد=والصبر قلبك يابو فارس علاجه
يازينها صدفه على غير ميعـاد=لاشفت من تهواه بالـود ناجـه
وقد لك سنين مانفعك التوجـاد=اقصاك ودٍ مع وليفك خراجـه
الصدى من شايع العيافي
يالله يامرسي على الأرض الاوتاد=انك تيسر ضيقتي بانفراجه
غره شهر شعبان من بين الأفراد=رتبه لوا يحمل مقصه وتاجه
سجل قسيمه باسم شاعر وقصاد=وقام الخبر فالأرض ياخذ رواجه
لقحت ليال الصيف ببني واولاد=وايامه من الظلم فيها عجاجه
لاعاد ميقافي على الضلع لاعاد=يوم الجمل دك المسيله مداجه
يابو عمر لحقت غياب الأجواد=اللي يسوق البعدعنهم زراجه
ماخفت من تجريح فلذات الأكباد=مالك ورى جرح الاجاويد حاجه
حذفتني حذفٍ على غير معتاد=ادخل على الله وش لزوم العواجه
خليتني مابين شامت وحساد=من ضحك سنه ماتعقد حجاجه
وانا لا جات الصدق مانيب جحاد =كم عارضٍ كثر علي اللجاجه
الا اني اسبر كوكبٍ الجم هداج=يطفح قراحه قبل يطفح هماجه
عيده على قلبي ماهو عيد ميلاد =عيد العيون اللي طمعها مواجه
وهذا صدى آخر مني محدّثكم شجاع الأكلبي
هبّت على قلبي ذعاذيع الأنواد=ذعذاع رد القاف للقلب هاجه
من يم شاعر للبواكير حصّاد=ينظم عقود الماس في صفح عاجه
عساك يامشهور في خير وأسعاد=أخذ الخبر زبدة بليا لجاجه
الحر لارفّت جناحيه هـم صـاد=يصيد ظبي ٍ ماطمـع بالدجاجـه
وأنته عرجت بعالي الضلع مرتاد=وفرعتبه والحض فيـه إنعواجـه
وحولت ماخلفك من الناس هبّـاد=ونور السعد خلفك يشع إنبلاجـه
ورقيت في ضلع ٍ طويل ٍ ومنقاد=يزبن به الخايف ويلقى محاجـه
واللي له طماعه مع النـاس ورّاد=والضاميه تصبر على ماتواجـه
وأخاف لونك على اللعب معتـاد=وهذي نقرها طير وهذي خماجه
دربي مع خلـي جديـدٍ ومنقـاد=أما علـى رجلـيّ ولا حداجـه
ولاجات مع قلبي على كيف ماراد=وأخلصت له حتى بلغني زواجـه
والكل منا من هوا صاحبـه فـاد=جرح ٍ عميـق مالقينـا علاجـه
فيالله ياللي لك ركـوع ٍ وسجـاد=أجعل تواليهـا فـرج وأنبهاجـه