السلسبيل

[حسين العنسي]

لو يفتقدني الشعر مانيب فاقده=لنه بوجداني وساكن كياني
يركد شهور يثور فيني واعاوده=من سلسبيل أنهل جزيل المعاني
لاضاق صدري قمت أشاهد شواهده=واختار منه محكمات البياني
عزي لشاعر هاجسه مايراوده=مثل اليتيم اليا فقد قلب حاني
يمسي طوال الليل والليل ضاهده=عايش وحيد وطول عمره يعاني
ذاق الشقا والويل محدن مساعده=غير الكريم اللي له الراس داني
لاجار وقته في زمان ٍ يكابده=مد الكفوف لرب سبع المثاني
باني الشداد السبع مَّن شد ساعده=يجزاه كل الحمد عد الثواني