يافطاحلة ياحلوين

[قطرة ماء]

سناعيس\

اولا مشكور على الموضوع والله يخلي لك البنوتة الحلوة مادري طالعة

على مين بخفة الدم :pهههههه


عاد انا حبيت اساهم واوسع صدوركم


يا فطاحلة ياحلوين\:)

القصة اللي باطرحها على لسان احدى القريبات تقول:

كنت مجتمعة مع اهل زوجي رن جوال وحدة من اخوات زوجي أكثر من مرة طبعا ما كانت

موجودة بالغرفة معنا .خفت يكون الاتصال ضروري فتحت شنطتها عشان أودي لها الجوال

تفاجأت بشي خطير بالشنطة تخيلوا وش هو؟!!!!! ولاعة:eek: خفت وسكت قلت يمكن احد حاطها

لها وهي ماتدري. نسيت السالفة وبعد مدة جت واحدة من بناتها الصغار تدور حاجة بشنطة

امها وهي تحوس بالشنطة طاحت منها الولاعة !!!!!!! انا شفتها طاح قلبي قلت: يالله معقولة:confused:

حصة تدخن !!:eek:والله مانتي سهلة ياحصيصة لا انا لازم ماأخليها تنحرف لازم اعلم أخوانها يساعدونها:o

أكيد صديقات السوء هم اللي خلوها تطيح بها الشئ غصب عنها.

وقمت أخطط كيف انقذها من غير ماأجرحها.:rolleyes:

توكلت على الله وقلت خليني احاول معها اذا نفع ولا استعنت بصديق:D:D قصدي استعين باخوها

جيت لها وانا وجهي الوان وقلبي يدق في اذني من صعوبةالموقف . قلت :ياحصة ياحبيبتي

انت تدرين اشكثر احبك وانتي غالية علي بس بصراحة ماتوقعتك كذا!!!!:mad:

انهبلت الحرمة وصارت عيونها بجبهتها من الدهشة:confused:. قلت لها انا اوعدك الموضوع يكون بيني

وبينك;) بس بشرط توعديني انك تتركين هالشئ الخطير انتي عندك بنات اذا ماخفتي على

نفسك خافي على بناتك كل هذا والحرمة فاتحة فمها ومنذهلة.:confused:

قالت انتي وش تقولين وش عنه تتكلمين؟:eek:

قلت لها اعترفي احسن لك صح انتي تدخنين؟!!!!!!!:mad:

قعدت لها شوي تفكر بعدين قالت: وهي تضحك بسم الله وش دراك؟!!!!!!!!!

قلت لها من الولاعة اللي ما تستغنين عنها.الله يهديك بس.
:cool:
انفجرت ضحك قالت والله مانتي سهلة يامتحري كونان باقي الدليل الكبير . وين باكيت السجاير.:confused:

استغربت انها ما استحت وعينها قوية.:mad:

قالت فيه سررررررررر باقوله لك بس لاتقولين لأحد تدرين ليش الولاعه؟:confused:

شنفت اذاني وكل حواسي وقمت اتلفت يمين ويسار لا يسمعنا احد:)

طلعت حصة الولاعة وبدل ماتطلع سيجارة تخيلوا وش طلعت؟

قلم كحل !!!!!!!!! كل هذا وانا منذهلة:eek:

معلومة جديدة للحريم تسلط الحرارة على راس الكحل يذوب وتكحل عيونها يسيل

الكحل شوي على الرموش ويعطي منظر روعة. :p

قالت حصة شفتي ليه ياكونان ما أستغني عن الولاعة؟!!!!!:D

طبعا متنا ساعتها ضحك وكل مااذكرها اضحك حتى لو بلحالي;)