(صدى) من صوت لفلااااااح...

[ماجد الزيد]

مساااااكم كااااااادي



هذه القصيده آنيه وهي صدى لصوت اخي وحبيبي فلاح بن منشار

قصيدة فلاح


ياصوت الاحساس قلي ياعلـي قلـي = وش طب قلبٍ وقع بالحب واشقانـي
كنت احسبه ياعلي قاسـي ومتسلـي = واثر الهوى مايصده قلـب زهرانـي
جيتك وقلبي من اهل الحـب مختلـي = ياصقر غامد وتفخر فيـك شمرانـي
ابغيك توصف دوى والجرح معتلـي = والضبي بيني وبينه سـور نجرانـي
نسل السلاطين ماهي شـي منحلـي = فيها سرى الشعر يالصاحب والالحاني
من عدة اسنين ماقد فارقـت ضلـي = تبكي ليا غاب عنها نبض وجدانـي
عبر اتصالات بيـن احروفهـا كلـي = وانا مقفي وهـي بالوصـل تلقانـي
حاولت نسيانها واضحيـت منشلـي = مسكين قلب المصـوّب دوم ولهانـي
ياصوت الاحساس هذا العلم ياخلـي = عجل ترى صاحبك بالغرو وجلانـي


وهذه قصيدتي
وأملي ان ترقى


والفضل للمتقدمي


إليكم مع الحب




يا مرحبابك عداد الغيث مابلّي = عروق وديانكم وعروق ودياني
وعداد ما يقطفون الورد والفلّي = يا مرحبا يا مهيّض شوق قيفاني
وش حد مثلك يصيح ويطلب الحلي = خابرك مثل الجبل ما اخبرك طيشاني
وش تلّ قلبك على درب الهوى تلّي = ما عاد ينفعك شوري وانت ورطاااني
ماقد حصل لك ترى يا صاح حاصلّي = قلبي وقلبك ضحيه والهوى جاااني
لا تنهر القلب خلّه دام حب اللي = يستاهل الحب ما بادر بنكراني
طاوع خفوقك ولا ترضى له الذلّي = واسهر معه لا تقول الجفن نعساني
ومادمت معتل جا يشكي لمعتلّي = تعال باحزان قلبك ونّس احزاني
تعال نجمع هموم قلوب ونخلّي = سوالف الشوق عنوانك وعنواني


صحّت السنتكم يالعلمين ودمتم بهذا الرّقي والإخاء
محبّتي لكم لله دركما