تقليـــد بعض الناس للنــاس مكشــوف ،،،

[داعي الشوق]

تقليد بعض الناس للناس مكشوف = مكشوف نهجه لو يحاول يغطيه

عميان عين ويحسب الناس ماتشوف = ماهوب يدرى وين دربه موديه

غشيم مايقوى على بدع مألوف = مجهود غيره ينسخه ثم يسويه

الصنف هذا مبتلا بطبع ملفوف = الله يعافينا و عسى الله يشافيه

عقله صغير وماله احساس معروف = ضعيف نفس وتايهٍ في مساريه

لفت النظر دزيته برسم وحروف = عله يثمنها و عساها تصحيه

مالى ومال اللى خذا طبع ملقوف = ممشاي يكرم عن نباه ومماشيه

لكن بلاني فى مواضيع وضروف = ما لوم نفسى لو مسكنا علابيه

موقفه والله يالربع صار مكسوف = إن كان به بعض الحياء ليت يحييه

للتاليه يافلان منته بمكلوف = لكن حظك عاثرٍ يوم ترميه