من خواطر العيد

[الـزلـزال]

يامن تعايد نوف ربي يهنيك = حتى ولو نوفك عليكم بعيده
والله يحقق لك ليالي مساعيك = وتشوف نوفك في حياتك سعيده
جيتك مهني يوم كلآ مهنيك = جيتك أقول أبيات شعرك فريده
لوكان ماخطيت صاير بماضيك = أنا أشهد أن أبيات شعرك جديده
عسى الفرح دايم يحول حواليك = وعسى المحبه ماتجي لك شديده
والله يقرب لك حبيبك ويرضيك= وتطفي لهايب قلب صارت وقيده
جاتك حروف الشعر جاتك تهنيك= والمعذره لوكان ماهي سديده

محمد عبدالله البدراني

كل عام وأنت باسعد حال

وصح لسانك ملايين ملايين


لك أرق تحيه