من أجمل ماكتب في الغزل

[خيال واسع]

السلام عليكم . ,,
أحببت أن اشارككم في هذه القصيده للشاعر المرحوم
عبدالله بن صالح الأشقر .. وهو من شعراء حائل ولقبوه بـ ( شاعر الجبلين )
وهو من الشعراء الغزليين وهذه إحدا قصائده
:
:



دار الغـرام ولـف بالقلـب لافـوف=لاع الولع قلبـي ونفسـي صرمهـا

انا وليع من عنـا العيـن مشغـوف=سيف الهوى بالحال يلحـي لحمهـا

القلب رفرف وانغرف غرف بكفـوف=والروح فوح الجوح يلفـح فحمهـا

مرهوق زاهق غارق حرق منحـوف=ولـه ٍ ذِهِيـل ٍ هايـم فـي غرمهـا

بلجوج موج النجل والنجل بشنـوف=وهروج بوح الغنج روحـي حكمهـا

ماني باكف العـذل عنِّـي بمعـروف=لا تبحـثـه بالله يقـبـس لغمـهـا

جسر الغـرام برامعـي زل بزلـوف=نزغ الزعازغ زلزلـه عـن قدمهـا

الله خلق بالناس نـاس بهـا نـوف=والشمس ما تخفَى العرب مع عجمها

كاس الهوى بألباب الأشباب مذروف=من ذاق رشف شفاه يفـرق طعمهـا

لولا الهوى ما رشرش الريم بخشوف=والناس نسناس الهوى هـو نجمهـا

خِشفٍ عفر فارع ظفر عشر مكشوف=تـلّ القلـوب وسلّهـا واستلمـهـا

رعبوب راعب كاعب خطرغطـروف=عمهوج لاعج داعـج عـاج فمهـا

مقدور باهر مابه البـدر موصـوف=مسلـول عنـق لعنـدلٍ راق دمهـا

اقفت تهز الخصر تنعـاج بعطـوف=مال الهوى به مال عوذا * كصمهـا

عفرا برى طرز الطرى صدر وردوف=طرخ الطخا* طخم الطراخم* طخمها

ابـو ثليـل ٍ بـه كثاثيـل وزلـوف=يلعب على هاضم ضميـره هضمهـا

مـادار دوّر نهدهـا نـزّ بـوقـوف=نشو ٍ نشا مانيش مشمـش حرمهـا

بعيونها رايـات وآيـات وحـروف=ترمى على الغايـات سـمٍ سهمهـا

كن البرد فمها ورا الـورد ملفـوف=والخد به موجـات جمـر ٍ زحمهـا

شربت شذا شذر الهوى كمع وكفوف=من طاح بتفاحه حَرِقْ مـن وحمهـا

تلعا فتى تـرس الفتاتيـل بتـروف=تِتِـل رِدفـه تنثنـي تـو تممـهـا

تكسف وجيه البيض وان جاه بكسوف=من طب حفلات الملا هـو خصمهـا

ياناس خلوني احوفـه وابـا شـوف=لا موت فـوت وناظـري مافهمهـا

ياسلب قلب المبتلـي فيـك مكلـوف=ارفق ترى روحـي تقطّـع وذمهـا

إمنع طريح طـاح بإيديـك مكتـوف=سلم العرب من سالمة فـي لزمهـا

ردّ النظر زيـن التعازيـل بهنـوف=قالت سنا نار الهـوى مـن كهمهـا

حنّـا عريبـاتٍ نجيبـاتْ وعفـوف=جواهـر بالصـون دونـه خدمهـا

حنّا كما خزنٍ بالأرصـاد مرصـوف=بالك يضـرك سمّهـا فـي دسمهـا

ياخشف بدّيت الرّجا منـك بالخـوف=العفو عافـاك الولـي مـن وهمهـا

ياخشف قلبي بالنـدم دوم وحسـوف=العبـد زل وزلّتـه مــا علمـهـا

قالت: كفى لا تكلِّف النفس بعنـوف=ايضا ً ولا عاب الفتى مـن شممهـا

ياذيب شوفه طافح ٍ فـوق بشنـوف=ما شاق عيـنٍ مـن يوالـم ولمهـا

ما شفت من يملا نحر كل ما سـوف=النفس يشهـد عزّهـا فـي كرمهـا

وشكرا لكم