وش ذا الحتســيـــــــه

[الطائر المهاجر]

السلام عليكم

و الله يا عليكم حتسي مدري وش يبي :d


المهم

خلك ودتس : الظاهر أن معناها خلك حرك و نشيط


مير : تصدق أني دايم أقولها بس يوم شفتك كاتبها و فكرت فيها نقدت على عمري :d

مثال : مير منيب رايح للبقالة = يعني أصلاً منيب رايح للبقالة



و على فكرة يا مشرفنا العام

أنا خابر كلمة دردقوش ما ينطقونها كذا

أمي إذا غثيتها و قعدت اسألها وش الغداء تقول : مردقوش من كله دلاّ يهوش

يعني بالميم مهوب بالدال

هذا و الله أعلـم



طيب وش معنى

دمـيـتـس

تس = ك


يالله سلااام

هلا ومرحبا أخي نيشان
خلك ودك : يعني اجمد مثل الودتس ، لاتصير خفيّف ، والودك ما اظنه يخفى عليك.
دردرقوش : هذا ما تختزنه الذاكره ، وقد يكون هناك من ينطقها بطريقة اخرى طبقا لإختلاف قرى نجد.

دميتس ، وقد تنطق دبيتس ، يعني كمخه ، ماهوب ذاك الفطن ..

مير

في لهجة ثرمدا ، القصيم وحائل والزلفي والرياض وجنوب الرياض
وفي البقية : مار
للإستدراك ، وللتأكيد ، رد يابن الحلال جنب لنا مقاضي ، وتلح الزوجة ، فيعاند الزوج مير مانيب رايح عناد لك

زنجل