الحـقـــيـــقـــــــه

[دايود صالح الخلف]

تفضـلـو هذه البسيطه .. لعلها تنال على رضاكم واعجابكـم

اقـول /


اشوف الحقيقه كلها اشباح تختال=بيني وبين الفكر همس وحكايا
اذكر زمان أول به الضحك فعال=فيه البساطه والامل في سمايا
العب مع اللي سجلوا فيني اقوال= ازعل0 واراضي خاطري بالهدايا
نجلس جميع ونفعل افعال الأبطال=وكلن يقول انه الأكمـل مزايا
لكن تغير وقتنا واصبح اهوال=وماظن يجدي ( عض ) حمر الشفايا
كلن اشوفه يسهر الليل لو طال=يبكي من هموم الدهر والبرايا
واشوف حزني كل يوم له اشكال=واشوف همي في جميع المرايا
امشي واشوف الهم في كل رجال=ديــن ومشاكل و ( المحبه ) بلايا
والطفل يرسم كل فرحه والآمـآل=فكره مثل فكري وكنـّـه معايـا
حالي من اللي جسمها حيل ميـّـال=حال الذي مطعون بين الحنايا
اليا ذكرته برفع الصوت بالحال=طال الغياب ارجوك عطني دوايا
كان انت مستانس انا خاطري نال=اقسى حيـاة ٍ جاد فيها بكايا
كم شخص حظه دايم ٍ فيه غربال=يرجي حياة الفـرْح واصدق منايا
واليوم الشوف الفرْح ياناس رحال=هم ٍ / وغم ٍ / والحزن بالزوايا
وبختامها جريت لحن ٍ ومــوال=عساك عايش بين خزي وردايا


وسلامتـكم


تحيتي للجميع