كان الاقدار حالت عن بقانا جميع

[تركي أبن خنيصر]

كان الاقــدار حــالــت عــن بـقــانـا جـمــيـع=ذي صـروف الـلـيـالـي لـلـعـرب فـاجـعـه
كـم شـجــاع(ن) رمـنـــه بـالـمـحــبـه صـريــع=راح عــمـــره وخـلـه غـــاب مـاضـاجــعـه
وان لـقـيــتــي مـغـــثــــه او بـغـيــتـــي فـــزيـع=ازهــمــي لـو ظــروفـــي يـالـغــــلا واجــــعــه
لـو تـجـيـبـك دمـوعـي لـلــمــــوده ســريـــع=جـبــت دمـعـة خـفـوق(ن) فـرحـتــه نـاجـعـه
وشـفـتــي الـدمـع يجري مـثـل دمـع الرضيع=فـي ضـمـيــر(ن)يـعــانــي والعرب سـاجــعــه
صعب نـنسى عنود(ن)في حــلاهــا نـضـيــع=وكـيـف اشـوف الـضـمـايـر عـقـبـها شـاجـعه
والـظـعـون الـقــديـمـه تـفـــتـــرق بـالـربـيـع=وان لـفــى الـقـيــظ تـلـقــى زمـلـهــم راجـعــه
قـلـبـنـا مـثـل قـلـبــك بـالـطـهــاره بـديـع=تـزعـل الـروح سـاعــه والـمـســاء هـاجـعـه


الاخ العزيز فواز الغسلان

باقولك بالفم المليان ’

..


...

انت مبدع يابن غسلان ’


والابداع هنا له عنوان ’ فلله درك ..


همسه في اذنك (( كنت اسمع عنك انك راوى ذوو شان ... اليوم سررت بشاعريتك المتدفقه وحرفنة حرفك المتأصله )) فسر على بركة الله وحفظة .....