زين الوصايف

[ماجد الزيد]

عزاه ياقلبن من الحب محــــــروق =جفت جروحه والهنوف أنقضتـــها
اصبح من الراحه معذب ومسروق = راحته بيدين الهنوف وخــــــــذتها
متولعن باللي بها الحسن والــذوق = اللي تواصيف المها من صفــــتها
زين الوصايف ساقته بالهوى سوق =وصابت معاليق الحشاء واعطبتها
حبه تغلغل داخل الجسم بعــــــروق =ذيك العروق اللي لجســمي غذتها
بنتن غلاها منزله عالين فــــــــوق =وأسكنتها تحت الجفون وغطــــتها
اليا ذكرت اسمه جذب قلبي الشوق =ورجلي تسابقني لظل أشــجــرتها
يسرقني التفكير بالـــــــــود برفوق =ودايم خيالي ساكنن منطقـــــــتها
وحطيت للونات بالصدر صنـــدوق =والعين ملت دمعتن بهــــــــــذلتها
صبرت صبر ايوب وطاق مطبوق =والله مدري وش بعـــــــــد تاليتها
ياللي تقول ان كل مطرود ملـحوق =العمر راح وما قطفت اثمــــــرتها
قدره وحظي ساقني بالهواء سوق =وقفت وانا عيني تهـــــــل أعبرتها

لله درررررررررررررررررك

ابدعت يالقرم

صح الله لسانك وجاد بنانك

ودي وتقديري واحترامي
لك ولفكرك النّير