شمّا حييتي وهل لي عن فراقك ِ مـن منـاص

[ماجد الزيد]

http://up.fatahilah.com/up//uploads/d9ea3d2432..rm

شمّا حييتي وهل لي عن فراقك ِ من مناص=حلَّ حينُ الركب شمّا صاعقاً قلب الرهيص
والذي ابعد ديار الجوف عن دار النّماص=ارتحلتي جسم وروحك بين جلدي والقميص
ادركتني عن هدوء ٍ موت قاف يوم لاص=اسعفتني في عبير ٍ منها يبري قريص
شمّا قد سحت القفار ندوف تشهد للمحاص=خالي مْن الانس ولست لمجلس الجن وحريص
ارقب سهيل ٍ واقول اليوم ذا يوم الخلاص=لا خلص ليل التّوجد يتبعه صبح ٍ نغيص
شمّا قلبي له حنين ٍ كن به الفين شاص=الهموم تسوج قلبي كنّ به زحمت خريص
يوم ٍ بْلياك شمّا كننّي تحت الرّصاص=والكنين ومن فراقك منفتل فتل العقيص
ويش قولك في فؤاد ٍ كان كنّه قلب هاص=انشوى وجد ٍ ووجد ٍ غير وجده حيصَ بيص
ماعليّ مْن الملام ولا عليّ مْن انتقاص=ويش يعني لا نقصت بشوف رجال ٍ نقيص
الهوى ماعذْرب اللي لا ضرب كفّه هراص=ون بدا كالشّمس يخفي نورها ايّة بصيص
ون رخصت بعين تافه بالبحر ما قيل غاص=ما رخص قرم ٍ لوجده غير من اصله رخيص
ذا ونا نسل الوليد الخالدي ما يوم حاص=لا يحوص ولا يلوص العن ابو خلفة غليص
فاتنة شعري يغيْدا اثمرت قافي خْلاص=عوّدي يفداك من لا كان بالخافي بخيص
علميهم ويش يعني للشعر اهل اختصاص=من يغطسون بعميقه فاهمين ٍ وش نغيص
الهوى لا ما يباع ولو على راسي قصاص=ذيب ٍ اقنب فوق مرقب والسلق تعوص عويص
شمّا حييتي وهل لي عن فراقك من مناص=حلّقي بي جو حرٍّ مابلغ جوّه شويص