صبآح الخيـر ,,, ولا أقــول ... !

[سعيد الصاعدي]

السلام عليكم ورحمة الله وبركاته

..

أضعها بين أيديكم .. لعلها تنال القليل من إعجابكم

..



صباح الخير ولا أقول صبـاح الـورد والكـادي=صباح الحب .. يامن لك قصور الحـب معمـوره
صباح الشوق وطيـور الأمـل تشتـاق وتنـادي=بأسمك . ملهمه با الحب علـى لقيـاك مسـروره
صباحك مُختلف جداً . . لإنك مـو بشـر عـادي=تواصيف الحلا والزين , أشوفـه فيـك مـذروره
أدب اخـلاق يجمعهـا وفـاك وطبعـك الهـادي=سواليفـك نسايـم ليـل تجـث الهـم بجـذوره
مزوحك ، ضحكتك مبسمك شموخك صوتك الشادي=عيون الناس بحضـورك تناظـر فيـك مطيـوره
تميل أغصانك الرطبه ..دلع بـا الغنـج متمـادي=إليا هب الهواء فاحت عطـور المسـك وزهـوره
يميل القلب مع ميلـك . طـرب ويـاك منقـادي=كذا من غير ما أشعـر بشوفـك يفقـد إشعـوره
أحبك قلتها صـادق .. وجمـر الشـوق وقـادي=أحبك والهوى من بعـد هجـرك ينطفـي نـوره
أحبك . والبشر والله بـوادي وإنـت فـي وادي=أحبـك والذنـوب اللـي لفتنـي منـك مغفـوره
أحبك مثلما حبيـت حـروف الشعـر وإنشـادي=واغان الشوق لامنٌه سحبها صوت ( أبو نـوره)
لهف نفسي على لقياك وشوفـك يـوم ميـلادي=قناديـل الأمـل بعـدك ، عليـم الله مكـسـوره
لفيت لموعدك مـن قبـل يبـدا وقـت ميعـادي=ونار الشوق في قلبـي علـى لقيـاك مسعـوره


وسلامتكم



الاخ الفاضل / عبدالله الثويني
صح لسانك لاهنت
لاعجابي الشديد بالقصيده نسخت جميع ابياتها
نص شعري رائع جداااا غاية فالجمال والابداع
من شاعر جزل
تسلم ويسلم فكرك يالغالي
تحياتي
أخـــــــــوك
س / ص