قالوا لها موجود قالت هلابه

[شجاع عمر الأكلبي]

قالوا لها موجود قالت هلابه=سمعتها يوم أطلعت من ثغرها
هلا هلا هلّت عليك السحابة=سحابة من شوق قلبي مطرها
القلب منّك يالحبيبة عذابه=ولاعاد أميّز عامها من شهرها
لك في نواة القلب قدر ومهابة=وقصور حبّك وسط قلبي عمرها
العز والناموس فوقك ثيابه=ثياب طهر ٍ من يعرفك ذكرها
يامهرة الخيّال شوفك هبابه=عيونك الثنتين هبله نظرها
أنتي حياة القلب وأنتي ذهابه=وبسبّتك حزن العيون وسهرها
أنتي وأنا ظامي ويطرد سرابه=وظماه لحقه لين كبده شطرها
خوفي من المجهول نوّخ ركابه=والفرحة اللي في فوادي قبرها
الآآآهـ ، زاد القلب وأيضا شرابه=ولهيب بعدك في فوادي صهرها
أخشى سلوم القوم بين القرابة=اللي بنات العم سلمه حجرها
يالله ياللي مايخيب الرجابه=ياللي بكلمة كن خلقه قدرها
عطني منى قلبي وعجل كتابه=وأغسل حياتي بالفرح من دهرها