عنـي حبيبــي غــاب يالـربـع تكفـــوون ،،

[محمد عبدالله البدراني]

قلبى تولع في هوى حب مزيون = ريمٍ حسين الدل ما شفت حلياه

قلبى بحبه هايم و صار مفتون = متعلقٍ قلبى على شبَاك مرماه

ياغصن موز ناعسٍ يمشي بهون = محلا حبيبي لو تشوفون ممشاه

فيه الحلا والذوق متعدد اللون = ما تحصي اوصافه شواعير و رواه

ابو جديلٍ ناثره فوق المتون = و الخد مثل البرق والموت بشفاه

رعبوب محبوب النبا و داعج عيون = هو غاية المطلوب للقلب و مناه

روحي وقلبى والعقل منه يشكون = والحال متكدر و انا اقول ويلاه

ويلاه يا قلبٍ تعنّى و مغبون = على حبيبٍ غاب وشلون ابلقاه

ما شيف . له شهر مضى أو يزيدون = مدري علام الزين يا ناس وش جاه

عني حبيبى غاب يالربع تكفون = شيروا على اللى هام قلبه وعناه

يوم الحبيب اللي هويناه بجنون = نسى العهود اللى تعاهدت وياه

وشلون انا بنساه باللـه وشلون = والقلب ما ظني ولا يوم يسلاه




مليووووووووووووووووووووووووووو ووون

مليوووووووووووووووووووووون صح السانك وعلا شانك


لاهنت والله ياداعي الشوق

شاعر وقلبه خضر والناس يدرون = ان الهوى ماله قوانين وقضااااه


لله درررررررررررررررررك ياو سعد


وبيض الله وجهك


تحياتي