شمسك بلا فيّ

[سعيد الصاعدي]

وش فيك ياصيدي تغيرت عني = مانت الذي خبري واحس ان به شي
لونك تغير صار غامق وبني = في نبرتك غنه وشمسك بلافي
احساس في بعدك خذ النوم مني = قلي بربك والصراحه لها ضي
ماقد كذب حدسي ولاخاب ضني = من عافني عفته ولو كان لي خي
يمكن احبك يمكن انسى التمني = يمكن معك يمكن بدونك انا حي
يمكن جوى يمكن نوى ممتحني = شويت قلبي فوق جمر الهوى شي
شفتك لنبضي يالغضي ماتحني = واول تقول انه لك الزاد والمي
مانا بمجبور ارسمك ظمن فني=ولا انت بي مجبور لو داخلك غي
همس المشاعر منك بالوصل جني=واليوم اشوف الصد عبر الفضا جي
ماجيت لك عاني ولا هيب منّي = صدفه تلاقينا وذقنا الهوى ري




الاخ الفاضل / فلاح بن منشار
صح لسانك لاهنت
نص شعري راقي جداااااااا به الكثير من الشاعريه والتمكن
من شاعر جزل جزل جزل
تسلم ويسلم فكرك يالغالي
تحياتي
أخـــــــــوك
س / ص