يغصّ من لقمته والناس تبلعها

[الخنساء]

الجاهل الي يغث القلـب باجحافـه
خفيف عقله ورى جرعات يجرعها
يشوف نفسه على العالم بصفصافه
يطرد سرابه ونفسه عجْز يجمعهـا
يبغى المناعير تمدح هـزت اكتافـه
والبخل من عادته والجزيه يدفعهـا
في المواقيف دايـم تبـرد اطرافـه
والكذبه اسلوب عنده دوم يصنعهـا
ماقد بدى مختفـي ماملـه الحافـه
مغمور مقهور والعـادات يجدعهـا
مريض نفسي وروحه وسط نتافـه
والغزوه لو جات ماظنيـت يمنعهـا
على العوهل مغمض يرمي اشرافه
رمي القفاء ديدنه والغيبه يسمعهـا
ماهو من اهل الوفاء والجبن مغرافه
يغص من لقمتـه والنـاس تبلعهـا
ذا صنف مجنون ماهو صعب كتّافه

صح لسانك اخى الشاعر فلاح

لاهنت ابيات ترجمت روعة المعاني

سلمت ودمت بخير