العـيـون فرآش ... وجفونـي غطا ..

[عبدالله راشد الثويني]

السلام عليكم ورحمة الله وبركاته

.
.

أبيات متواضعه أضعها بين أيديكم لعلها تنال القليل من إعجابكم
.
.



من هموم الوقت وصدوف الليالي=صرت عارف للصواب من الخطا
من كثر ماذقت من مر(ن) وحالي=أسهم الخلان .. ترقى وتهبطا
شفت من لحقوق غيره مايبالي=إن خذا ... لا تنتظر منٌه العطا
إن لفيته ياهلا ... واعزٌ غالي=وإن تركتـه شرٌه الخافي سطا
ذاك باعد عن دروبه في عجالي=دام لحقوقك وماجوبك .. وطا
من تناسى الوُد .. قلبي عنه سالي=عنه ما أسأل ولو زاد البطا
ومن وفالي منزله با القلب عالي=العيون فراش ... وجفوني غطا
راعي الوقفات .ذكره مايزالي=له فعوله تنحسب .. ماتُحبطا
الرفيق اللي عن الزلات سالي=خير مـِمٌن للعذارب يلقطا
أذكره با الخير .. لا جالي مجالي=الحظيظ اللي على نهجه خطا


.
.
.

كل الشكر لمن عطر الصفحه بتواجده