جمـــر العـــاشقين

[علي سالم النعيمي]

من قديمي



نار المحبه جمرها يحرق حراق = وشلون تحرق بالهوى قلب هاويك
قلب ن مع درب الهوى جاك منساق = مقفول دربه والمفاتيح بيديك
عدة شهور ولذة النوم ماذاق = ان كان ماتدري انا اخبرك وادريك
جيتك غلا جيتك غصب حب واشواق = لو اكتب احساسي بالاشعار ماوفيك
حبر القلم يكتب على بيض الاوراق = ينزف غلا كل المشاعر تناديك
يا سيدي لاتبدل القرب بفراق = لاتكسر بخاطر رجى من ترجيك
أشتاق لك لاغبت وأشتاق وأشتاق = لاتبتعد يا قرة عيون مغليك
يا هووه شلت من الغلا فوق ماطاق = خسران من هو بالغلا من يباريك
يا فلان لو الناس سلعه بالاسواق = لابيع بالجمله علشان نشريك
خل اللي يزعل يزعل ألفين طقاق = ماهو مهم ان ازعل الناس وأرضيك
ولاهمني لو قالوا جنون عشاق = بس المهم الذاهبه ميته فيك
الشاعره الذاهبه
كم أنت مبدعه عذبه مذهله
مسك الختام كان مسك الكلام
( خل اللي يزعل يزعل ألفين طقاق .. ماهو مهم أن ازعل الناس وأرضيك
ولا همني لوقالوا جنون عشاق .. بس المهم ( الذاهبه ) ميته فيك )
فعلا أنتي الذاهبه بنا إلى هناك حيث رياض الشعر
فعلا أنتي الذاهبه لكي تعودي بالجديد من القصيد
دمتى بخير
ولكى كل الودددددددددددددد