أشم ريحة بخورك في طرف شالي

[علي سالم النعيمي]

( بخور )


(أقدمها لكم لعلها تروق لذائقتكم)





اشم ريحة بخورك في طرف شالي=و اقول هذي بقايا ريحـة الغالـي
اظمها شوق في صدري و اداريها=واشمها كل ماتخطـر علـى بالـي
تبقى معي منك ريحة طيبك وعودك=ريحة بخورك شذاها العذب يحلالي
ياريحة(ن) من شذاها تنتعش روحـي=مثل انتعاش المشاعر وانته اقبالي
اهيم بك شوق ياود(ن) سكـن قلبـي=نشوة غرامي وهاجس وقتي الحالي
نشوة قصيدي وهوجاسي واناشيدي=الهام شعـري وترنيمـي وموالـي
جديد شعري اذا مازاد بي وجـدي=يحلالي انظم على منوالك امثالـي
في خافقي لـك غـرام ماتناسيتـه=يبقى معي وانت في حلي و ترحالي
وتبقى معي غالي(ن) كـل ماتذكرتـه=اشم ريحة بخوره في طرف شالـي