مسكين راع الهــوى متردىٍ حاله ،،

[سعيد الصاعدي]

مسكين راع الهوى متردىٍ حاله = دايم وطيف الهوى والشوق يلعبه

دايم مزاجه حزين و مشغلن باله = الشوق ناره بوسط القلب مشتبه

شوقه لخله يزيد بزود كل ماله = يشتاق لو كان خله جالس بجنبه

له في حياته أمل يشقى ويسعى له = يبذل جهودٍ كثيره لجل يظفر به

قلبه مع اللى يريد و رايد و صاله = معشوقه اللى سلب تفكيره و حبه

هو غايته والمنى يهواه بـ لحاله = يوم الأمل غايبٍ عن عينه وقلبه

ما يستمع للوشاة و قول عذاله = ما هـمّـه الا هـواه اللى تولع به

عزي لراع الهوى ياناس عزاله = حاله صعيبٍ علي يالله تلطف به

عساه يلقى السعد و يحقق آماله = و يلقى بحياته فرح من ربى و ربه



الاخ الفاضل / داعي الشوق
صح لسانك لاهنت
نص شعري غاية فالجمال والابداع
من شاعر متمكن
لله درك ياسعود
تسلم ويسلم فكرك يالغالي
تحياتي
أخـــــــــوك
س / ص