ديوان الشاعر المرحوم راشدالحويطي الخالدي

[ياسر عبدالرحمن الخالدي]

التوحيد
هذه قصيده للشاعرالمرحوم باذن الله/راشد بن محمد الحويط الخالدي في الشيخ/مجدل بن درباس المجدل الخالدي بعد الزياره اللتي قام بها الشيخ مجدل و جماعته اثر عارض صحي تعرض له الشاعر






كلمة التوحيد عليها يقـوم اجدارنـا=لبغينا نبنـي البيـت بالله نستعيـن
الله اللي عالم فـي خفيـأ اسرارنـا=حكمه الغالب علينا ولامره طايعيـن
كل ماطريتوا الحرب شبـت نارنـا=عزّنا من عزكم يا إمام المسلميـن
شيخنا حقٍ علينـا عزيـزا جارنـا=نطاوع به حكايا العدو والحاسديـن
نحمد اللي وفق الشيخ حتى زارنـا=زارنا مجدل وربعه وحنا حاضريـن
جيتنا يابوشريف و أسفرت بك دارنا=حزةٍ به يرخص المال والروح الثمين
في قدومك تفرح اكبارنا واصغارنـا=مرحباَ بك عدْ ما يمطر النّو الرزين
في مراجل شيخنا ما تحير افكارنـا=اشهد انه طيب من شيـوخ طيبيـن
عارفينٍ وضعنا وقابيليـن أعذارنـا=وصلنا معروفكـم ياعشيرالغانميـن
نحمد اللي نـوّر قلوبنـا وأبصارنـا=وأقعد اللي غافلٍ في منام الغافليـن
زد لنا بخيارنا وكف شـر أشرارنـا=وأصلح اللي بيننا يامعين الصابرين
كلمتينٍ قلتها يـوم مجـدل زارنـا=مرحباَ بالشيخ واللي لفونا زايريـن
يابو جاسم زان علمك وسر أخبارنا=يوم سميت الولد مجدل ذرب اليمين
مجدل شيخ و أهله اخـوةٍ لكبارنـا=خابرين افعالهم من عصور الأولين
جعل أجاويد العرب لبغوا مسيارنـا=كل ماجونا يرحون منـا شاكريـن



..


رسالة نصيحة
هذى القصيدة قالها شاعرنا موجه النصيحة لابنه الاكبر محمد






يا محمد يابـن راشـد يالظنينـه=بانصحك يابوك لا تخلف وصاتـي
الولد مثلـك يطـاوع ناصحينـه=اتبـع لكـان بالسيـرة سواتـي
جنّب اللي سلم ابوهـم مخلفينـه=وكـل ماتقـدم تجـوّد بالثباتـي
لا تجالس من بغى غـرة خدينـه=لا تصافي كل من خلّى الصلاتـي
حط عيـن الله ذرى بينـك وبينـه=ابغضه بالقلب وامـش معادلاتـي
اصطبر للوقت في عسـره ولينـه=من عرف رزقه على الله ما يحاتي
اذكر اللـي كـل خلقـه ذاكرينـه=واغتنم يابوك من قبـل الفواتـي
اذكره وايقن مـع اللـي ميقنينـه=واقـد خيـر لابلتـك الباليـاتـي
اترك اللي ما قدر نفسـه يهينـه=ما ذكـر رب الخلايـق والبراتـي
وكل من ضيّع من الإسلام دينـه=ضاعـه الله بالحيـاة وبالمماتـي
قلـدوا باللـي علابيهـم متينـه=خاونـوا والله حسيـب الخايناتـي
يدعون إسـلام ميـر مخالفينـه=زامريـن بالقلـوب القاسيـاتـي
قول ربـي و الرسـول مكذبنـه=وروسهم حتى على الله كابراتـي
من غضب ربي عليهم ثقل طينـه=يكرهون اللـي لحاهـم شايباتـي
كل رجال عجز ينصـح (جنينـه)=مبتلين ولا على المبلـي شماتـي
من تبع سلم العرب ربـي يعينـه=بالمراجـل والعلـوم الغانمـاتـي
اذكر الله واذكر اللي شفـت زينـه=طاعته عند الوجيـه المسفراتـي
والعن الشيطان واشيـاه المهينـه=من عصى الله ضيعه بالمشكلاتـي
ارخصوا بالمال ياللـي خازنينـه=التجاير ما سوت فرض الصلاتـي
ما سواهـا لا حـلال ولا بنينـه=النضيح وعمل الاريـاء باطلاتـي
ما يحـل المـال للـي جامعينـه=كود منهو يجتهـد لـه بالزكاتـي
ادرسوا موضوع شـي دارسينـه=واهتـدوا والله دليـل الحايراتـي
اطلبـوا رب عبـيـده طالبيـنـه=كـل مسلـم قـال يالله بالنجاتـي
نشر الموضـوع لقلـوب فطينـه=واقدحوا ياأهل القلوب المميتاتـي
قلت قافٍ مثـل طبـعٍ بالمكينـه=شاعـرٍ والعـب رسـوم بيناتـي