....جنوون العاطفه !!!!

[ماجد العديلي]

بين الذكريات الجميله ولحظات الحب الخالدة ... تشكلت هذه الحروف التي أتمنى

أن تنال إعجابكم ورضاكم :




جنون العاطفه فيني يعبر عن مدى الحرمان=عن الدنيا ..عن الأكوان وعن شي ما نخلق للحين !!

عن نجــومٍ عفــيفاتٍ مدام الــليل ما يــنخان=وعن أمـواجٍ تخـون الـشاطي الي صار كله طـين

وحتــى عن قوافي عيونك الي مالها أوزان=قصيده صعـب أفهمها ..... تحيرني وهي بيتــين

أنا أشتاق للميه .. وبنفس الوقت للنيران=وأنا مثـــــل (الأغاني الي) تحس برغبـة التلحـين

أعاني من عذاب الشوق أعاني مثلما الطوفان=أبد مايركد احساسي.... وشعوري نادر التكوين

عرفتي ليه أنا أصبر وأداري الجرح بالكتمان=شـسـوي به... إذا ضاقــت بي الدنــيـا ولا تدريـن

ورغبه صارمه فيني تشـّجعني على الطـغيان=تبيد آسمـى المبادي ولا تفــّرق بـين أغلى ثنــــين

تعالي أسكـني صـدري وشـيلي منه الأحـزان=وأنا يكفي فــخر إنـي أبسكن في جفــون العــين

أبي طيف السما الزاهي يداعب روعة البستان=أبـي نــورٍ يـبـدد ظـلـمـة الفــرقا ....وهـــم البـــين

أحس الصبح يتكسر على موج الشفق غرقان=تضـيع أحلى سنين العمر... ولا يضـيع الأمـل تكفين

طـفوله عـشتها أول.. وطـفوله ارتجــيها الآن=أبـتــذوق براءتــــنا ونـصــبح مـثــلمــا طـفلــيـن

نبي نركض نبي نلعب نبي نغني ياليله دآآن=نبي نضـحك ونتـّـمتع... ترى كل هـالعمر يومــين

أنا الله يوم يخلقني خلق في داخلي فنــــان=رســم أحلامي الحـلوه ... ولكـن يـنقـص التلوين

سألت الناس بكل احساس أنا محتاج لــلألوان=وكـلاً قال : ماعندي... وحـتى نــاسٍ قــريّبـين

عرفتي ليه أنا أحبك ..وليه آحس بالحــرمان=أكــيد إنـك عرفــتي ليه .. ولا ُبد إنك تعرفين

جنون الحـب ولا عيشة هوان وكان أو ماكان=وعليّ المــوت أهـــون من حيـــاةٍ كلها تخمين ...؟؟....