تصــــــــاوو ؟!!!!!

[عوض سحمان العتيبي]

بسم الله الرحمن الرحيم
مجاراه للشاعر/ محمد بن منصور بن بريك العازمي العتيبي
ومناسبت المجاراه انه لم يتمكن الشاعر الموجهه له من مجاراته دون ارداف
قافية العجز
امل ان تنال استحسانكم
عوض
ياعيد لولا فارق الطيب ياعيـد=شفت الاوادم كل ابوهم تسـاوو

ماينـدم الا كاسبيـن المناقيـد=اللي على سوق المصالح تخاوو

لكن ابا اقول إلك من دون تحديد=ياكثر ناسٍ من عيونـي تهـاوو

اهل النوايا مخلفيـن المواعيـد=اللي بعد غبـر الليالـي تقـاوو

لو مجدوا ذكري مع الناس تمجيد=ياليتهم مـن مادهاهـم تـداوو

كانت معزتهم عن العالـم بعيـد=واليوم من حامي قصيدي تكاوو

مدى رفاقتهم من العيـد للعيـد=حتى ولو قـدام عينـك تشـاوو

ياعيد يانسل الرجـال الصناديـد=اللي على روس المشارف تعاوو

جعل الردي يفداك والاش ياعيد=ويفدونك اللي من عيوني تهاوو



ياقاف ياللي شقتني عنك ماحيد= حتى لو الشعار دونك تثاوو
ارد على عد الروى واقطع البيد= ماهمني من بالشدايد تصاوو
للطيب ناس وللشدايد صناديد = اللي على دروب السعد ما تغاوو
ربعاً على نهج الشيم والتقاليد =ناسٍ على دورب المراجل تضاوو
احبهم حب البدو للمسانيد =وياحبني للي للأمجاد هاوو
والنذل واشباهه وكل المقاريد =الخمه اللي لجل حاجات راوو
في شذبة المقفي صدور وماوريد=وان جيت تنشد للحقايق تزاوو
اصد عنهم في وساع الجراهيد= خايف احقق للهدف لا تناوو
ياما كلو بظهور ناس اجاويد = وان مالقوا لظهور بعضاً تلاوو
وياقاف ابن منصور لايمكن احيد= مادامو الشعار دونك تثاوو
ارد على عد الروى واقطع البيد= لوكان سجل عجزك آخره بـ(آوو)!