افتحي قلبي

[فارس القوافي]

السلام عليكم

من الأرشيف



افتحي قلبي كما فتح الكتاب = تبّعي بصْبْعك واقري وش كتب

لا قريتي سطر تلقين العجاب = كمّلي الباقي تشوفين العجب

انصتي للشرح واسلوب العتاب = شوفي افنون المحبّه والعتب

اسألي واستنطقي منْه الجواب = قولي انطق وش تبي منّي أجب

اسمعي نبضه وطلّي فالسحاب = قارني شوقه بقطرات السحب

اكسري الحاجز وتطويق الشهاب = ارضخي للحب واطفي هالشهب

انسي الماضي بلا همّ وحساب = ابتدي فيني وفي قلبٍ حسب

كم تحرّى جيّتك بين الخضاب = لين دمعه شقّقه ثمّن خضب

ان عجبك الخط وسطور الكتاب = والاّ روحي كنّ ما شيّ انكتب