بيتٍ بلا رجّال لاشك سايب

[الخنساء]

كيبورديه كالعادة اجتماعيه موجهة لبنت العرب


بيتٍ بلا رجّال لاشك سايب = ورجلٍ تحكْمه حرمته شبه رجّال
وحرمه تبي رجّالها جدار عايب= خسرانةٍ في وقت للشرّ ميّال
في مجتمع لو صار في الكون ذايب= محكوم بالرجّال في كل الاحوال
لو هو تجاه الغرب شدّ الركايب= ثبت المراسي ما تغيّره الاجيال
دستوره القرآن مابه شوايب= ولاهوب قانونٍ يعدّل بالابدال
كلام رب الخلق يدري السبايب= واسرار تكوينه لخلقه بلا إهمال
اعطى القوامه للرجل دام صايب= ومادام في عقله ولاصابه خْبال
وفرض عليها اتطاوعه بالصعايب= ولوهو ضعيف الحال من دون إقلال
تعطيه حقٍ واجب بقلب طايب= ترجي رضا الرحمن في كل الافعال
وعقدٍ توقّّّع جامعٍ للحبايب= لو كل واحد نفذّه مالقى اشكال
لكن بلانا من الجهل بالتبايب= ومطاوع الشيطان وهروج جهّال
بنت العرب كالطود وسط الهبايب= ماهي بغصنٍ كلما هبّ به مال
مهما ظهر من زوجها من معايب= الكامل الله ما اكتمل اي رجال
تكسبه لو عانت كثير المصايب = دوحه ظليله كلها دفئ وظلال
بقلبٍ حنون لو شكى من اللهايب= سبّاقة بالطيب ترجي للآمال
تنتج رجالٍ في الرجوله كتايب= تفخر بهم في حضرة العم والخال
فالصبر زين وبه جميل الكسايب = ترضي به الرحمن وتكيد عذّال

صح لسانك ولا هنت

قصيدة شامخة

ترجمت واقع المجتمع

سلمت ودمت بخير