نون العيون

[هاجس نجد]

ياحب ماهزتك كل الاعاصير=مرتاح لك ياحب روحين في روح
ياحب جارف ماعْرفوه المشاهير=فوق الثريا مرتقي حوله صروح
فيْ قلب خلي حب غاض الغنادير=نون العيون وشعر للردف مطروح
من حسنها غار الحجل في اغادير= حتى الخزامى صار في نجد مقروح
ريانة العود ان تثنت فهي غير = لامثالها كم ون بالناس مجروح
النحر زاهي كنه الا الاساطير = والنهد من رمان بيده ومضروح
ليلى في احلامي تجيني كما الطير=وكل مابي ضمها عني تروح
ليلى في الهامي تفوق التصاوير=ليلى عسل صافي دوى قلب متروح
ياليتني في دار ليلى مع العير =راعي ! ويكفي شوفها يومي اروح
في وصف ليلى ماتوفّي التعابير=ولا يوفّّي حُسْن ليلى الف مشروح
عودت كني قيس في جمة البير=لاشفت انا ليلى ولا جيت مطروح
مير المشاعر جت مع نسمة عصير=وارسلتها ونه معَ طائر الدوح
ياحب لو هزتك يوم الاعاصير=عقبك فلا عد لي من العيش مصلوح


الأخ الشاعر / فلاح بن منشار

صح لسانك ملايين

لاهنت ولا هان مغليك

قصيدة جزلة من شاعر جزل تداعب القلوب والوجدان

تقبل إعجبي

وتقبل تحياتي وتقديري

أخـــوك

سعــ عبــد الله العبيــد