أمـي...أمــــــي

[الخنساء]

امي لكي منـي عظيـم المـوده=تاجٍ على راسك تعيشي وتحطيـه
جوارحي وعواطفي لـك مجـده=والى امرتي امر والله مااعصيـه
جميلـكـي والله مـااقـدر ارده=لوني احج وشايلك فـوق كتفيـه
كم ليلةٍ فيهـا مـن البـرد شـده=ياما علىّ لحاف ظهرك رميتيـه
حظنك ذراى وساعدك لي مخـده=والى مرضت الليل عندي سهرتيه
من اجل صيحاتي ودمعي ونـده=احسن طعامك عن شهوتك ترديه
ولمّا كبرت وصار جسمي اشـده=ان غبت كل انسان عني نشدتيـه
مااوفيك حقك لوتهقويـت اعـده=لكن ابدعـي واحدٍكـل يرجيـه
يجعل لكي مخراج من كل شـده=والعمر في راحه وسعاده تعيشيه
والله لااخدمك خدمـةٍ مستجـده=واقول انا طوعاك واسمي تعرفيه

صح لسانك مليون ولاهنت

ابيات رائعة ترجمت جمال الرحمة والبر

جعلنا واياك من البارين بامهاتهم

سلمت ودمت بخير