جميـل المحيـٌا ...

[عبدالله راشد الثويني]

السلام عليكم ورحمة الله وبركاته

أضعها بين أيديكم ، لعلها تنال القليل من إعجابكم


..
..



أسعد الله مساءك .. ياجميل المحيـٌا=لجل عينك تحايا خافقي حاتميـٌه
الهواجيس زادت .. والمشاعر تريـٌا=دون شوفك حياتي مالها قابليـٌه
أحمد الله وصالك .. ياوليفي تهيـٌا=من بعد طول صبري.. با الليال العصيـٌه
أنتظرتك ووقتي .. زاد جوٌره وعيـٌا=وإنكوى في بعادك خاطري ألف كيـٌه
صافحيني طلبتك..لا تفكٌي يديـٌا=كل لحظه بقربك في حياتي . هنيـٌه
ياضياء البدر قلٌي .. ويش أبي با الثريـٌا=وحدك اللي ملكني وإنت للقلب ضيـٌه
ويش أبي با الخلايق .. دامك إنتي هنيـٌا=لك حياتي وربٌي كل أبوها هديـٌه
ليت قلبك يفكر .. يقضي العمر ويـٌا=من حياته لأجلك .. يعتبرها شويٌه
كل ماشاف زولك .. فز قلبه وحيـٌا=والتحايا وربي لجلكم حاتميـٌه


وسلامتكم ، والعذر على القصور