اقـــــــــرا التاريـــــخ

[مسلم عواد العميري]

ترى الردي لوجاد جوده مذلـه=لنه كرم بريـال ماينـام ليلـه
اما يسبب لـك كـلام ومعلـه=والايسوي لك مع الناس ميلـه
اما الكريم بوسط مجلسـه دلـه=فنجالها يكيـف الـراس هيلـه
ديوان عامر بالوجـوه المطلـه=ضحكة نقى والقلب صافي غليله
اقرا التاريخ اخير من ذاالمجله=تعرف من اللي راح سنه وجيله
ارقب طريقك قبل رجلك تدلـه=قدام لاتاقـع باراضـي دميلـه
ماينفعك لوقلت انا جيـت زلـه=كلٍ يقول فلان خـرب مديلـه
رجمٍ صعيب احذرتحاول تطله=وشلون تشرف قبل ماانت تخيله
الصايب اللي شوف عينه يدلـه=ومن رافق العميان ضيع دليلـه
خلك لمن عاداك مثـل الاخلـه=لالااح لك بالشراقسـم وشيلـه
ابعد عن اللي يكرهك في محله=لاتسير(ع)المخلوق حمل ونقيله
لاترافق اهل الشر من كل ملـه=خلك مع اهل العلم ربع الفضيله
لاتستشير العايب ان طاب حله=العايب اللي يبوق جاره وزميله