ياقلب ياللي كل ماجاك عناك

[جلال ابراهيم الصبيح]

من الجديد هذه الخاطرة على حافة الشعر اليكم عل وعسى ان تحوز على النزر اليسير من الرضا :


http://up.fatahilah.com/up//uploads/32f3872da8.wav





ياقلب ياللي كل ماجاك عناك = مالك ومال الحب ياقلب مالك
متى تعلم من جراير سواياك = وادروبك اللي كلبوها مهالك
ماعلمك وقتك وكثرة خطاياك = بالله ياقلب العنا وش جرالك
ماتقتنع .. والا تعشّم بذولاك = نجل العيون الذابحات الهوالك
اللي لهم كم ابلجٍ جاه ماجاك = والا .. تقول اّخر مداه ومدالك
واصل مسيرك لو تعثرت بخطاك = لا .. لاتعزّز ..اّه .. عزي الحالك
خلك بحالك والمراكب تعداك = وان شفت ماعفته تذّكر مقالك
يومك تقول امشي على درب الاشواك = واقول لك ياقلب واعزتالك
حتّام .. ماتسلى وتقنع وانا انهاك = عنهم ولا لك غير رايك ولالك!
الا .. بعشق اللي لها طرف فتاك = ولاتنتقي ياغير نجلٍ حوالك
مانت متعلم من جراير سواياك = وادروبك اللي كلبوها مهالك



وهذه تحيتي
مع اسمى ايات الشكر والامتنان فائق التقدير واطيب المنى رعاكم الاله


أخي الغزيز محمد البدراني فعلا إنك رائع رائع رائع وفعلا عندما قرأت خاطرتك
أحسست بمدى تألقك وإبداعك أسجل إعجابي هنا...دمت بخير.

جلال إبراهيم الصبيح