الوضع الصعب

[حمود السكراني]

الوضع صعب ولانفع فيه ترقيع =

تبصروا ياهل العقول الفطينة=

ايه والله أتعب يوم تغيبون واضيع=

يضيق صدري بي تضيق المدينة=

تجري دموعي من عيوني ينابيع =

والجو بارد والمفاصل سخينة=

يطيح حيلي مايتلملم بتجميع=

والقلب يرقص مثل بلف المكينة=

ماغيراشكلها زوايا ومرابيع =

حزة يسار الفكر وحزة يمينة=

شئ(ن) عديم وشئ يفتح مشاريع=

وشئ(ن) يرجعني لماضي سنينه=

ياشوفة المشتاق مرت اسابيع=

وانا اتقلب بين وش به ووينة=
الشوق هاج وقطع القلب تقطيع=

عفت التحلي بالصبر والسكينة=

إرجع ولايمنعك عني موانيع=

إرجع ترى روحي بروحك رهيينة=

خلاص يكفيني من البعد ترويع=

خلاص يكفي القلب لهفة حنينه=

وش تنتظر موتي وعض الأصابيع=

لانهل من فوق القتيل الدفينة=