قــصــة بــســمــة ((صوتية))

[محمد عبدالعزيز الغنام]

http://almobile.maktoob.com/org/uploads/cf4dab53c2.mp3










.,:"-B-":,.قصة=بسمة.,:"-B-":,.

يا كيف اوصف بسمة وقصة الخير=قصة بنية رافقتها الاذية

هالبنت ماهي مثل كل الغنادير=عاشت خيال الحب في واقعية

بين امها والبيت والمدرسة سير=ما بينهم جيه وروحه وجيه

مع كل مدة تعطي الخير للغير=تملأ زمان" حالته ماسوية

تملاه حب وضحك بير" ورا بير=حتى ولو هي بالنهاية ضحية

من حزنها تزرع للأفراح نوير=ومن دمعها ترويه سقيا هنية

ارجوك لا تبحث عن الدمع تبرير=كيف الزهور الصبح تصبح ندية

في ضحكها ماللخطايا معاذير=وفي عيونها كل الضحايا برية

نبض الأمل فيها دبيك المضامير=رغم الألم فيها الأماني قوية

ترسم على وجه الخلايق تعابير=بأجمل معاني ساحرة عاطفية

كنه خلقها الله للأحلام تفسير=كنه خلقها الله لاهلها هدية

استبشروا فيها تراها تباشير=وتكفون حنوا للبنية شوية

بسمة وكني ارقبك بالسماء طير=من شان هالبسمة تعم البرية

تفكير ياللي مدرك الحال تفكير=معقول هذي يا بشر آدمية

هذي حكاية بسمة وقصة الخير=عاشت خيال الحب في واقعية








وانتم بألف بصحة وسلامة




اخوكم الشاعر: ((محمد عبدالعزيز الغنام))