اخذي اعيوني واحفضيها وداري ؟؟؟ و المري

[الطائر المهاجر]

الصاحب اللي راح قلبه مع الطير=يامن يرده لو خذا نصف ماله
مسكين ياللي راح طُعم الغنادير=صكوا عليه الباب محدٍ دناله
يصيح من جرحه ولا ينفعه سير=تعبت رجوله والغضي ما عناله
ردوا عليه الصوت هاتو التباشير=وإلا ترى ميت ولااحدٍ رثاله
لو حاول النسيان جته التفاكير=يلعب به الهوجاس واعزتاله
ترحموا له صار راسه صعارير=من كثر ما يلطخه دمه بداله
ماتنفعه آسف وكثر المعاذير= اللي رحل ما يرجعه كثر ماله
يمكن مع القرآن يلقى التياسير= تعال خل اقرا عليك بعجاله
وان كان بك جني طلع دون تعزير=وان كان بك عين قرينا ابياله
قولوا لبيت العز من غير تدبير= لابد ما ينهد في كل حاله
وقولو لمن داشه زمانه عسى خير=في يوم يفرجها الولي لامحاله
والصبر طيب لو قبلت التقادير=مكتوب لك ياصاحبي بالدلاله
اخشع بتال الليل من دون تقصير=وادع الولي يلطف بكم في مآله