العصفور متواري

[نجم الإبداع]

كسى وجه الوجود الحزن واظلم بالنهار النور=وغنى لي غراب البين والعصفور متواري
سكبت الدمع جمر وفي خفوقي يصطلي تنور=ومن بين الحنايا صاح جرحي واسر ياساري
تذكرت السنين الي مضت قرب العيون الحور=ومن جور المصائب بين حزني تاهت افكاري
وجودي ياوجودي جد بجودك وانجد المقهور=وصور حرقتي بين الحروف وسلسل اخباري
على شيخ المكارم راعي الصولات والمخبور=ليا من غاب زوله صار في دار العرب طاري
تردى من مرض مافاد به طبٍ ولا دكتور=ولافاد المعادي بالعلاج وشلة انصاري
على منشار جودي ياقوافي واكثري بالضور=وسوقي لوعتك بين الحروف ودمعك الجاري
نعم زيزوم له موقف وهو بين العرب مشهور=على طيب السجايا عاش يوم الغير محتاري
ركب بحر المصاعب في حروب القدس مابه خور=عقيد القوم لامن طاح مافادن الاشواري
لفقده بيننا غصه على الكرسي ثلاث شهور=شريف القول والمذهب مطيع لربه الباري
طلبتك ياجليل الملك تجبر خاطري المكسور= وتشفي شيخنا من علته يارب الاقداري