بحــــر جــــده

[سلطان العطاوي]

الا يا بحر والله ما فيه شي تام=ولا كامل الا خالق الكون سبحانه
تصافق بموجك ضايق الصدر ما تنلام=وانا عاذرك لو ضيقتك مالها خانه
والا يا بحر جده عليك الرجال حيام=يجيك الغريب يشيل في صدره احزانه
مساك الغروب اللي يورد هديب الشام=وصباحك شروق الخل في قلب خلانه
يسمونك الغدار والغدر طبعٍ عام=ما دام الصحيب ليا أمنّه صاحبه خانه
وانا والله اني ما اعتبرت الضعيف حزام=لكن الليالي هجن والناس هجانه
ولا اقول شي في الرجال الرجال حشام=مواقف طويل العمر من موقف اخوانه
لكن يا بحر صدام مات ورحل صدام=ولا باقي الا مقتدى الصدر واعوانه
عساني ليا جيت البلد والعرب نيام=ازور المقابر كل ابوها على شانه
وعساني ليا جيتك مسير وانا منظام=وصافحت موجك رحت والنفس قنعانه