بقايا ود الاصحاب شامه

[عوض سحمان العتيبي]

بان المخبى واتضح خبث الانجاس =وبانت علوم الفسفسه والرخامه
ياللي تبي من زايد الخبث نوماس =تبطي عظم مانلت درب الشهامه
معدنكم الصافي غدى كله انحاس = واليوم يفقد هيبته واحترامه
ماعاد له في سوقنا غير الافلاس = فقد تميز معدنه و العلامه
الحنظله ماتثمر الدر والماس = يعرف مرارتها الغرير بفطامه
والكلمه اللي دونت بين الاقواس= حمى على جسمي وساير عظامه
كليب لو انه عرف غدر جساس = ماكان رمح الغدر تارد سهامه
ان كان عيبي حب زينات الالعاس=حب الشرف محمود يومه وعامه
وان كان هو بنظاركم مثل الادناس = حنا نميز في حلال وحرامه
ال جارتي ماساقني كل خناس = اصونها بجفون حفظ الكرامه
وال جارتي درعاً مرصع وحراس= تامن بقربي لين يوم القيامه
العيب لوبه عيب تبليد الاحساس=جفوا الرفيق وهضم عالي مقامه
والكلمه اللي خلت الفكر يحتاس= خلت بقايا ود الاصحاب شامه
جليتها لين الحشاء كهربه ماس=وعديتها للي براسه غشامه
وتحولت بيض النوايا للأتعاس= وأنا بعدها ماعليه ملامه
مادامها وصلت محابيس الانفاس = وكلن قعد للشين يبني خيامه
تبي تذوق الروس من حد الامواس= ويفك صندوقن جويدن بلامه
يامن يكض الغيض ويحد الاضراس= ويامن جعل درب المتاهه ختامه