لاعادك الله ياوقتن يبكّيها

[نجم الإبداع]

يانسمة الحب جسي قلبها الطاهر=وان به جروحِ من المكتوب داويها
خذي دموعي جواب وحزني الداهر=ندم وبلسم لساجي الطرف وديها
روحي مناديل تمسح دمعها الصاهر=وقلبيْ المضرّج بجنحانه يغطيها
رقيقة الروح يسبي حسنها الباهر=وش حد حضي بلوعاته يكوّيها
جرحتها دون علمي من جوى ناهر=وقلت يمكن ليا فاقت تعديها
واثري قطعت الوريد بحدي الشاهر=لاعادك الله ياوقتن يبكيها
بكْت وابكّت وبكّتني وانا الظاهر =محسود من عين ماخابت مراميها
يالي دموعك من الجمرات وجواهر=جرت على الورد واسودّت مجاريها
يفدونك البيض ياتيارها الماهر = الي سرى في عروقي عند طاريها
رهيفة الحس يجرحها نوى ساهر=من جمرة الغيد بانت لي مواريها
لا يابعد جنس حوى منك ماجاهر=خفوقي الا بحب ارواح يغليها
زيّنْت كبد السماء يانجمها الزاهر=والغُمّه اطلب من الوالي يجليها