خذني اصيله في يدينك رسنهاا ...

[موج القصيد]

انا موجٍ عاصف ثاير
مشاعري اعاااصير بحريه
ان احبت وفيت وصدقت
واعطيت بلا حدود
ولعل هذه القصيده غيض من فيض
طاامحه ان تنال استحسانكم





خذني اصيله في يدينك رسنها=والله ما مس الرسن حي ثاني
حبك غزى قلبي وكبدي طعنها=يا اغلا هديه جابها لي زماني
لك هيبةٍ اصبح خفوقي وطنها=واصبحت حلمي والغلا والاماني
ولاشواق تعزف في خفوقي لحنها=وتراقصت بين الضلوع المحاني
واطياف زولك صار جفني سكنها=والوجد اصبح ع المحيا يباني
هذي وفيه جتك لا تصد عنها=ملكتها باقل وقت بثواني
اصيلتك ذا اليوم غرقت سفنها = في بحرك اللي ما لشطه مواني
ضاعت مراميها وعافت مدنها = وبسبابكم نوم الليالي جفاني
فيض المشاعر جاك ذا اليوم منها=يصوره جزل الحكي والمعاني
كل شئ منك يا حبيبي فتنها=وابشر بحبي والوله والحناني
ما قبلك احدٍ قدر يضبط رسنها=حاولت اعاند بس قلبي عصاني


موج القصيد