الرجل لامن عطيته فوق مقداره

[نواف العدواني]

الرجل لامن عطيته فوق مقداره = إما تجوهر أو انه بان عذروبه
كانه تجوهرعرفت الطيب باخباره= ايقدرك بالخفى ويعليك برتوبه
وإلا لقيته خبيث بكل مشواره= لو حاول انه يغطي بان ملعوبه
الوقت يظهر بقايا هاجد غباره= ويبان لك معدنه لامن بدا ذوبه
تلقاه يمشي مع اللي كاشف ادواره= من كل حاقد يشوفك دوم مطلوبه
حطّه رفيقٍ يسير بنفس مضماره= دام الهدف واحدٍ بعقول مطبوبه
مثل الخفافيش كلٍ حوله انصاره= تهوى الظلام وتنام بروس مقلوبه
من كل مخدوع في طبله ومزماره = ممن سبق له يشوفك تمغط لْثوبه
ما يدري انه تغيّر ولْبس دثاره = واصبح خصيمك ولو غطّيت لعيوبه
يحسبك تجهل بما يفعله باستاره= واللي يخطّط بنفسه او بمندوبه
ينسى بانك جبل ماهزه إعصاره= وبركان ياويل من حاول يجي صوبه
يحرق لطيرٍ خبيثٍ ينوي الغاره = من قبل يبدا تجيه اقدار مكتوبه
دربك وضوحٍ لمن قدامه انواره = ومن لابغى النور مسؤولٍ عن ذنوبه
ومن كان ظنه ذكي بخبث افكاره= ولا قدر افكار غيره تاهت دروبه



يا سلاااااااااااااااااااااااااااا اااااام على الأبداع ..



الرجل لامن عطيته فوق مقداره = إما تجوهر أو انه بان عذروبه
كانه تجوهرعرفت الطيب باخباره= ايقدرك بالخفى ويعليك برتوبه
وإلا لقيته خبيث بكل مشواره= لو حاول انه يغطي بان ملعوبه

درر شعرية و حكم تدل على خبرة صاحبها ..

ينسى بانك جبل ماهزه إعصاره= وبركان ياويل من حاول يجي صوبه

أنشهد أنك جبل شعر يا دكتورنا ..

صح لسانك يا جبل و بيض الله وجهك على القصيدة الشامخة..