حـيـاة أهـل الـرومـنـسـيـه

[الملتاعه]

السلام عليكم ورحمة الله وبركاته

لعل جديدي يشفع للغياب





على يَدينك أتعلم حياة أهل الرومنسيه = أنا محروم من يومي ولا عرف وش رومنسيه

عذابي اكبر من همومي من شجوني من آهاتي = تعذر الفضا يا سع وجود أعماق منسيه

في كل مره الأمل يكذب إذا داعبت به عيني = أعاتب نظرة عيوني عتب برهن تجافيه

زماني والولع والشوق وحنيناً داخل أعماقي = كسرني دون ما يرحم ولا حقق أمانيه

أنا أحلامي ألم وجروح وغربه تشفع لحالي = قدر مكتوب لي احمل جراح القلب مكويه

خلت فيني الليالي واختلاي حزني الدامي = وضم إحساسي الدافي على المسرى شقاويه

أنا قلبي جريح الهم ودمع العين موالي= تعبت اركض أدور للذي يشعر بيوم فيه

إذا جاد الزمان وجادت الخطوات من بدري = يخاف الحظ لا يكمل مشاعر فيه مخفيه

أنا قلبي اعتراه الخوف وخوفي ما بقى عادي = تخيل لي مع الأيام أنا ما عاد أنا هيه

ولكن يا لغرام اللي توجه مقبلٍ يمي = معاد النفس ترغب في ليالي أحلام ورديه

تقولي ليه وأقول الحزن نمى من صخب لوعاتي = ولا املك من حياتي شي ضعف حالي ولا فيه

أنا ما بيك تعشقني ولا بي تشغل أفكارك = ولا تبني قصور من الهوى بالشوق مكسيه

مسافات الزمان أطوال مابينك وما بيني = تذكر سابق أيامي وما سوى الدهر بيه

قدر يرفض توافقنا نعم وش حيله القوه = رسمنا حلم لكنه حضر بظروف عكسيه

ظروف الوقت تمنعني أجاذبك الرومنسيه = نصيبي والقدر غلاب تصدر في قوافيه


شعـــ الملتاعة ـــــــر