قـرع الطْـــبول

[سعيد مقبل الأكلبي]

ياطويل العمر انا بي لي ذلول=وياطويلة الذلول ابغي عُمر

كلمةٍ قيلت على حسْب الاصول=وكلمةٍ قيلت من الموت الحْمَر

وانت ياللي مفطرٍ بريال فول=غيرك اللي مالقا حبة تمر

اِحْمد الله يوم ماعندي ميول=والا كان آطاك بكْفرْت الهمر

مانت بمسَلّط على فهم العقول=ولانت مكلوفٍ على لمس الجمر

ودام ماعندك مشاريع وحلول=ليه يوم تروح صوب المؤتمر

كان ماتوصل نعلّمك الوصول=وكان ماتفهم نِدرّسك قرمر

لابغيت تقول فاحْسن لك تقول=كلمةٍ يرضابها والي الامر

احْسب حسابك يفاجيك مْهبول=معْدمٍ راسه بغرشات الخمر

ثم يزفونك على قرع الطْبول=يِفّصَل الريوس وتلقم لك نِمَر

ندري انها صابتك حالة ذهول=وندري ان اللي بقى ادهى وامر

غير هذا الوضع لايمكن يزول=لارضينا في خطانا واستمر

من رمى نفسه على درب السيول=لايقول السيل وش قومه طمر

والحكيم يبين في وقت المثول=لاحضر شيّد مبانيه وعمَر

والجهول يروح في غيّه جهول=لاحضر دمّر على الناس ودمِر

ومن قعد يعد شرهات الخْبول=مالقا من عد شرهاته ثمر

والرْجال اقوال وتبين الفعول=يا يمر القول والا ما يمر

واحدٍ روابعة عند النْعول=وواحدٍ روابعة عند القمر