قلت اتسلي

[حرف وشعر]

هذه ابيات قد كنت كتبتها في سن السادسه عشر=
ولها ذكري في خاطري احببت ان اشارككم بها عسي=
ان تنال بعض الاستحسان=




قلت اتسلي يالتسالي=واسلي عسي انسي خياله
خلن خياله بالخيالي= عزمي توقف عن وصاله
واعزي نفسي بحتمالي= واصد قلبي عن سؤاله
وانسي مع النسيان حالي= لي صار تالف من عطاله
كود الزمن يلقي دواء لي= ياصاحبي والقي دواء له
واون وبعد الواو دالي= انا تشربكت بحباله
لاكن حسافه ماجري لي= يابومحمد في مجاله
ولقتني ياصاح مالي= عزمن علي عزم انعزاله
مثل الذي في سيح خالي= مابان شرقه من شماله
ويشوف له م البعد لالي=وظن الفرج وافي مناله
واثر الأمل صعب المنالي= حيث الرجاء مبعد زواله
ويلاه ياوقتن مضي لي=وقت الوفاء ياحي فاله
كنا وياهم مانبالي= والود في غاية بهاء له
وميثاق عهده هوعطالي= وابرمت له ميثاق حاله
وظنيت عهده بالوفاء لي= ثابت علي ميثاق قاله
ومهقيت غدره في هوي لي= وانا مضحي في هوي له
واليوم عني مايسالي=وان شافني اسدل بشاله
ياصاحبي وا عزتالي= واللي شراتي عزتاله
غرقان مشرف ع الزوالي= وهل عاد يمكنك انشاله