ادري بانه ينتظر مولد القاف .. !!!

[الخنساء]

http://www.up-00.com/xafiles/uu389904.gif (http://www.up-00.com/)


قصيده اجدد بها عهدي بكم
كتبت نفسهاا ودونت احرفهاا
كتبت بوقت وجيز وطرحت دون تنقيح
اتمنى ان ترتقي لذوائقكم
وتنال استحساانكم


http://www.up-00.com/xafiles/77x89904.gif (http://www.up-00.com/)


خذ راحتك يا جامعٍ كل لوصاف = يا غلا بشر في دنيتي يا حياتي
القلب متعود ولا شفت ما شاف = من صغر سني والتوجد سلاتي
حزني يسليني وانا صرت ما خاف = والصبر اعده من محاسن صفاتي
يا من لفى يقرى قصيدي وله حاف = بافهمك خل النهايات تاتي
لي عاشق قاسي تطاول ولا راف = شمت بي الاقراب قبل العداتي
اغرقني ابحره ولا اني بطواف = وكنت احسبه بيمد طوق النجاتي
تغير اسلوبه غدى منطقه جاف = واول يقول انتي هناي وغناتي
يومه ملك قلبي ولشواقنا لاف = صار يتلذذ يوم خله يحاتي
طيفه يسامرني ولا ليل لي عاف = وفكري من الهوجاس اصبح شتاتي
كاس التغلي اشربه سمٍ ازعاف = يا مجربين الهجر ويش السواتي
انا اعترف ان الغلا داخلي طاف = حتى ولو زود بتعذيب ذاتي
اغليه لو يقسى ولو عننا ناف = وارجي عسى حسن التدابير تاتي
ادري بانه ينتظر مولد القاف = هاتي جزال الشعر يا حروف هااتي


http://www.up-00.com/xafiles/77x89904.gif (http://www.up-00.com/)

موج القصيد


http://www.up-00.com/xafiles/9sc89904.gif (http://www.up-00.com/)

صح لسانك مليون

ابيات جميلة وبوج رائع يترجم

روعة الاحساس والمشاعر

سلمتى ودمتى بخير