آخذ ٍدورة

[ناصر عبيد الهواوي]

قال من هو بالقصيد آخذ ٍدورة=عند ابو فايز وناصر وهزاع ِ
علموه الشعر مبناه وبحوره= لين جاء يلعب على كل الأوضاع ِ
يانديبي فوق حرة ومذعورة= كوعها عن زارها قدر الإصباع ِ
قبل مبدأ الصبح ويصيح عصفوره= كان قلبك للمهمات بتاع ِ
لاتعجلني اوضح لك الصورة=ما يقاس الشعر بالشبر والباع ِ
فيه قول يبهج القلب بسطوره= وفيه امور نسيبها مالها داعي
قل لإبن جدلان لو جيت بحضوره= ركب ال جمسك مواصير قلاعي
واترك المنكوس ما ذا الزمن دوره=وخاطب الأمة عسى نيمها ياعي
رب كلمة تبعث افكار مقبورة= ورب همة حاكم ٍتشف الأوجاعي
مثل ابو متعب الى هاجت ابحوره= كل قاسي لا سطا الليث ينصاع ِ
سطوته في قوم الإرهاب مخبورة=في ثلاث سنين كل امرهم ماع ِ
مثل ماغطيت بالشاي شابورة=جمع هالطغمة تمزع تمزاع ِ
ودنا تنشأ ولو كان محضورة= مفاعلاتٍ تجعل الغرب يرتاع ِ
نبذل الأسباب في محكم السورة= قال اعدوا كل ماكان يسطاع ِ
التسلح للوطن درعه وسوره= لا استبيح العرض مافاد فزاع
اليهود من الرفض جا لهم خورة=مانفع معهم سياسات وإخداع ِ
اطلقوا عدة صواريخ مشهورة= مثل قولة هيه يانيم صر واعي