ما اريدك ما احبك

[عبدالعزيز العقيدي]

ما اريدك ما احبك مالي سنع فيك=كرهت أنا طباعك يا ويلي منك
لا تضن بي أهواك أو منجبر فيك=أو غرني طولك ولا صغر سنك


عيارة غيارة وكل المكر فيك= طبعك غريب عوف يا خوفي منك
أنا الصدق علتي والكذب ماديك=وأنا الوفا عادتي وأنتي الغدر فنك

كذابة غدارة كيف الأمان أعطيك=يسدني ما جرى ويكفيني منك
عشقتك وبلوتي قلبي أنخدع فيك=الله على بلواي يصبرني عنك

لأول أنا مجبور أصبر وأداريك=واليوم يكفي زود ما جاني منك
لا تضن فيه اليوم راجع أراضيك=بُعد السما والماي يا بعدي عنك

مليت أسمك أف كرهت طاريك=وكرهت كل اللي يقولونه عنك
كرهت نفسي يوم أصفن وأناجيك =تعزفي غناوي الود واصطاخ لحنك

لا تتعبي يا بنت خلاص ما ابيك=ما لي أبد أحساس يقربني منك
لو فز فيني شعور يقرب نواحيك = ذكرى الألم والويل تبعدني عنك