الف ٍهلا يازيد

[ناصر عبيد الهواوي]

سبحان من نزل تبارك والأعراف=على الرسول آياتها بيناتي
امس العصر عديت في راس مشراف=وأخيل سحب ٍحدرن مقفياتي
البرق ما يفصل لضوحه تلصاف=وربانها مع دربها طايحاتي
تقول قطن ويندفه سوط نداف=لالاح شفت اثعولها مبهلاتي
من يوم عديته على الرجل وقاف=لين المواذين اذنوا للصلاتي
مافي هم ولا شكا حالي إخلاف=وأمان ما حاذرت غدرة إعداتي
ياذيب ياللي بالخلا تهر ف إهراف=ولك مرقدٍفي قمة النايفاتي
بلغ سلامي من نحى يمي القاف=فرصة ماكنت اظنها لي تواتي
ألفٍ هلا يامرحبا يابن الأشراف=روس البقوم مطوعين الطغاتي
فزعة بلا عاني ولاماضي احلاف=ولامن عهود بينكم مبرماتي
شعرٍبليا زيد يترك وينعاف=وبقعٍ بليا ابقوم عده مواتي
اهل الرماح مرويت حدب الأسياف=واهل الخيول الحزَب الصافناتي
مشرعه بيبانهم قدم الأضياف=عن نارهم ماتنزل الراسياتي
قومٍ لهم بالمجد منزل وميقاف=اسود دون اشبالها خادراتي
فيما خفا يازيد مانيب عراف=ولا شيت افك إقفولها المبهماتي
اترك لها وإن ضايق الدرب محراف=ماكنت اجشمها على الكايداتي
ولي فاطرٍماهيب ترضى بالإنكاف=ولي همةٍشرهه تنكد حياتي
فيها جشع ماظن تقنع بالأنصاف=اضيع لو طاوعتها مع عباتي
عاقل ماخالفت القواعد والأعراف=ولا دوجت رجلي مع الخايعاتي
ومواقفي بيضاء وحسنات تنشاف=إثقال ما ترجح بها سيئاتي
واقدم الدعوة بعد شاب هالقاف=زيارتك يازيد غاية إمناتي
زرنا مادام العشب جاله تغرياف=ولو جيتنا من بعد والله لا آتي
وصلى على المبعوث من يقسم ب(ق)=على رسولٍ خص بالمكرماتي[/poem][/poem]