ابجدية حروفـك

[محمد بن عمار]

السلام عليكم ...
تهيض تالي هالليل ...
لقلوبك .
أبجدية حروفـك

اجمعيني ، نماذج أبجدية ، حروفك
...... وانثريني على سطح الورق في قصيد
واحضنيني قلم من بين أصابع كفوفك
........... آتداعى ، على ضمّة ، بنانك سعيد
واحتويني متيّم ها يم ٍ في وصوفك
............ مثل عقد ٍ تبختر، بين كتف ٍ وجيد
آتثنّى طرب ، قدام سمعك وشوفك
.......... وآتما يل مع الأنغام ، ولحن النشيد
في عيونك ملاذي رغم حدّة سيوفك
........... واحتمل طعنها والجرح نزفه يزيد
كيف ماتخبريني عن دواعي ظروفك
............ وأنتي حبك بدمي ساري ٍ بالوريد
لوثبت حبي الصادق بواقع كشوفك
.......... ماسهرت ، آتوجد ، يالغزال الفريد
أوشرحتي سبايب هالغياب وعزوفك
............ كان ما كل يوم ٍ جبتي عذر ٍ جديد
من جناين جمالك ، دانيات ٍ قطوفك
......... سعد منهو جمع من زينها ، ما يريد
متعب النفس وأقدامي علشان أشوفك
........ واسهرالليل مع طيفك اهوجس وحيد
من غلاك آتردد عند أماكن وقوفك
........ وأترك الفكر يسرح ، مع خيالك بعيد
أسأله عن عهود ٍ أكدّ تها ، حلوفك
......... يمكن ألقى الجواب ، وكل علم ٍ أكيد

محمد بن عمار / شاعر المشاعر
20 / 3 / 1430 هـ