النية

[سعيد عوده الحويطي]

السادة اعضاء منتدى الفطاحلة الكرام
السلام عليكم ورحمة الله وبركاته
اعتذر لكم عن انقطاع التواصل معكم خلال الفترة السابقة واقدم لكم هذه القصيدة على امل ان تحوز على رضاكم


والله اني ماني اللي نيته مقلوبه = نيتي اصفى من الميه على الجرعوبي
ماني من اللي يسوق نيته بكذوبه = ولالقي له فرصتا حشك من العرقوبي
بارعا لنه تكلم قلت هذا عجوبه = متقن افنون الكلام وصنعته باعجوبي
شايفا لعيوب غيره مايشوف عيوبه = مادرى انه فاق كل الناس فيه عيوبي
دايما هرج القفى هو عادته واسلوبه = ولاتكلم بالنميمه يتقن الاسلوبي
ولو بغيت اذكره خطيته و اذنوبه = قال انا والحمد لله ماجنيت ذنوبي
ما درى ان الكلمه اللي قالها محسوبه = وكل شيا في حياته ثابتا محسوبي
والذنوب اللي جناها محصية مكتوبه = في نهار ياجد اللي قدمه مكتوبي
دايم احذر من عدوي لا عرفت دروبه = والمخافه من صديقا عارفا بدروبي
مثل من خبى الحنش بيديه وسط جيوبه = والله اني مامن الحيه وهي بجيوبي
الصديق اللي صفي قلبه وسد بنوبه = بارك الله بالصديق اللي يسد بنوبي
لانخيته في اللوازم يوفي بمطلوبه = يستر عيوبي ويوفي باللزم مطلوبي
يالله اني طالبك عفوك وحسن التوبه = الفقير لرحمتك يستغفرك ويتوبي


الشاعر / سعيد عوده شداد الحويطي